Sobre os proxectos enmarcados dentro da convocatoria de Subvención Global do Fondo Social Europeo debemos ter en conta as seguintes consideracións:
- Os programas operativos plurirrexionais de fomento de emprego, nos que se recolle a modalidade de Subvención Global como parte dos mesmos, a efectos de impulsar novas actividades que respondan a necesidades locais e xeradoras de emprego.
- O Ministerio de Administracións Públicas é quen xestiona un Programa de Cooperación económica coas Administracións locais co obxectivo de contribuír á creación de emprego, ó desenvolvemento económico e a cohesión social. Esta intervención articúlase a través da Subvención Global.
- A Subvención Global ten como finalidade principal, o fomento de iniciativas que desenvolvan actividades que responden a necesidades locais xeradoras de emprego no sector de servizos de atención ás persoas, con especiais necesidades, tales como, nenos, anciáns, persoas con minusvalías, enfermos, excluídos sociais ou persoas con risco de exclusión social.
As accións cofinanciadas diríxense a ofrecer ós demandantes de emprego a través de itinerarios de inserción, unha oportunidade de práctica laboral acompañada da formación adecuada para a prestación de servizos de atención a persoas con necesidades especiais.
A Deputación de Pontevedra traballa con proxectos de Subvención Global e nesta convocatoria porá en marcha o proxecto Aquelando.
|