INTERNET RURAL

É un programa que xurdiu co obxectivo principal de achegar as novas tecnoloxías ó medio rural proporcionándolle acceso público e gratuíto a Internet en banda ancha a fin de lograr a súa participación efectiva na Sociedade da Información.

A Deputación Provincial cofinancia o proxecto cunha achega de 4.000 euros por telecentro se o concello non dispón de ADSL e de 2.500 euros en caso contrario.

A Deputación Provincial, ademais de dar a coñecer o proxecto, encárgase da convocatoria, preselección e coordinación dos municipios beneficiarios para garantir a asistencia, formación e dinamización dos centros.

O Centro de Acceso Público a Internet ou “Telecentro” constitúese como un espazo público equipado con terminais de acceso a Internet, que se porá a disposición de todas as persoas do municipio. Consta dos seguintes compoñentes:

• Tres anos de conectividade a Internet en banda ancha
• Equipamento
  • Terminais avanzados e terminais de navegación
  • Rede local sen fío
  • Periféricos (impresora láser, escáner, webcam, etc.)
• Servizos de instalación e mantenemento presencial durante 3 anos
• Tres anos de servizos de control e xestión remoto do centro
• Portais de servizos a poboacións rurais
• Servizos de dinamización e formación

Mediante a conexión sen fío é moi sinxelo engadir novas terminais de acceso a Internet. As persoas poderán acudir ó telecentro e conectarse a Internet cos seus propios equipos portátiles dotados dunha tarxeta wi-fi.

Para obter más información pódese visitar: www.telecentros.es

O éxito global do programa ‘Telecentros’ require da dinamización dos centros de acceso público a Internet así como da formación do persoal de soporte.

Propóñense actividades baseadas nos principios de universalidade, transversalidade e inclusión social:

• Acceso gratuíto a internet
• Formación de dinamizadores e responsables dos telecentros
• Acceso ós servizos da e-administración
• Contidos de interese para os diferentes sectores (agricultura, gandería, etc.) e colectivos (mozos, profesionais, etc.)
  • Formación das persoas que acceden ó telecentro
  • Acceso á información e á comunicación
  • Busca de oportunidades de emprego e fomento das iniciativas empresariais
  • Actividades de acción social
  • Actividades culturais

Os concellos non teñen que realizar ningunha achega económica, soamente deben dispor dun local adecuado de acceso público e dunha persoa que se responsabilice de atender o centro polo menos 5 horas diarias.

INFORMACIÓN ADICIONAL

• Teléfono de contacto en Deputación: 986 804 135
• Teléfono da Consellería de Innovación, Industria e Comercio: 981 545 583

AXENTES IMPLICADOS

• Deputación Provincial de Pontevedra
• Consellería de Innovación, Industria e Comercio da Xunta de Galicia
• Ministerio de Agricultura, Pesca e Alimentación (MAPA)
• Federación Española de Municipios e Provincias (FEMP)
• Entidade Pública Empresarial Red.es (dependente do Ministerio de Industria, Turismo e Comercio) www.red.es