Os proxectos enmarcados dentro da
Iniciativa Equal promoven novos xeitos de combater as formas de discriminación e desigualdade en relación co mercado de traballo a través da cooperación transnacional. Foi publicada nunha Comunicación da Comisión ós Estados Membros publicada no Diario Oficial das Comunidades Europeas (DOCE C 127 de 05/05/2000). EQUAL financia actividades levadas a cabo por asociacións estratéxicas. As asociacións EQUAL, que actuarán dentro das áreas temáticas, denomínanse agrupacións de desenvolvemento (AD).
As áreas temáticas para a Iniciativa Equal son as seguintes:
- Capacidade de inserción profesional
- Facilitar o acceso e a reincorporación ó mercado de traballo das persoas que padecen dificultades para integrarse nel. Combater o racismo e a xenofobia en relación co mercado de traballo.
- Espírito de empresa
- Abrirlles o proceso de creación de empresas a todos, proporcionando os instrumentos precisos para a creación de empresas e para a identificación e explotación de novas posibilidades de emprego nas zonas urbanas e rurais. Reforzar a economía social (ou terceiro sector), en particular os servizos de interese para a comunidade, e con especial atención a mellora da calidade dos postos de traballo.
- Adaptabilidade
- Promover a formación permanente e as prácticas laborais integradoras que fomenten a contratación e a permanencia no emprego das persoas que sofren discriminación en relación co mercado de traballo.
- Apoiar a adaptabilidade das empresas e os traballadores aos cambios económicos estruturais e o uso da tecnoloxía da información e outras novas tecnoloxías.
- Igualdade de oportunidades
- Conciliar a vida familiar e a profesional, así como reintegrar os homes e as mulleres que abandonaron o mercado de traballo, mediante o desenvolvemento de formas máis flexibles e efectivas de organización do traballo e servizos de apoio.
- Reducir os desequilibrios entre homes e mulleres e apoiar a eliminación da segregación no traballo.
A Deputación de Pontevedra traballa en Equals enmarcados na acción 1, co proxecto Convive +, na acción 3 co proxecto Mercurio, do que ademais é xefe de grupo, e 4 co proxecto Conta con elas.
|