Órgano de dirección e control: Deputación Provincial de Pontevedra
Órgano xestor: Deputación Provincial de Pontevedra
Ámbito xeográfico:
Comarca do Morrazo.
Comarca do Salnés
Área Intermunicipal de Vigo
Descrición do proxecto:
O seu principal obxectivo é contribuír ó desenvolvemento da Estratexia Europea de Emprego a nivel local a través da participación activa dos axentes económicos e sociais, así como administracións locais no desenvolvemento das políticas de emprego
ACTUACIÓNS:
Análise exhaustiva do territorio en materia de emprego, analizando as variables máis importantes do mercado laboral e recompilando as diferentes accións levadas a cabo no territorio polas administracións públicas e axentes sociais. As conclusións deste estudo sometéronse a análise e debate cos axentes do territorio a través dos comités locais de emprego, órganos plurais que constitúen un dos piares básicos do proxecto.
Plans locais de emprego elaborados dentro do marco do proxecto seguindo as directrices da Estratexia Europea de Emprego, e polo tanto dende un enfoque global:
Mellora dos sistemas de inserción
Fomento da cultura emprendedora
Igualdade de oportunidades para homes e mulleres
Loita contra a exclusión, etc.
Busca da calidade nas políticas de emprego, como camiño para alcanzar a eficacia e a eficiencia nestas. Deseñouse un proceso de mellora da calidade a través da xestión de marcas de calidade no emprego de carácter territorial, proceso que vai mais alá da propia vida do proxecto e que esperamos poida servir de exemplo e guía para futuras actuacións que en materia de emprego se desenvolvan na provincia.
Plataforma telemática. O proxecto Empleocities tamén aproveitou as oportunidades que ofrecen as tecnoloxías da información e comunicación, TIC´s desenvolvemento unha plataforma telemática que lles permitirá ós cidadáns accederen a toda a información relevante en materia de emprego:
Información sobre o territorio
Servizo de acceso a axudas en materia de emprego, busca de emprego, oportunidades de negocio e autoemprego.
Apoio e asesoramento á persoa emprendedora.
Creación de puntos de acceso telemático a través dunha pantalla táctil que se situou en distintos edificios públicos para que calquera persoa interesada poida acceder a toda esta información de forma áxil e sinxela.
Esta plataforma serve ademais como ferramenta de traballo para os técnicos e axentes de emprego, que poderán incorporar toda a información referente ó emprego dos seus respectivos ámbitos de actuación. Tamén conta cun sistema innovador que supón para os técnicos dispoñer dun apoio para a toma de decisións relativas ás medidas a realizar no seu territorio para o fomento de emprego.