O Premio Valle-Inclán convocado pola Deputación Provincial de Pontevedra en colaboración co Concello de Vilanova de Arousa, desde o ano 2004, ten como fin galardoar a aqueles estudos que traten sobre calquera aspecto da vida e da obra do escritor vilanovense dende o punto de vista científico.
Os traballos que concorran ademais de ser inéditos e orixinais deberán estar redactados en calquera das linguas oficiais da Comunidade Autónoma de Galicia. O premio conta cun xurado formado por membros da Deputación de Pontevedra, representantes da Administración autonómica e local e persoas de recoñecido prestixio intelectual e académico.
Ademais do importe económico corresponderalle ó galardoado un diploma, unha copia da acta do xurado, e a posibilidade que durante un ano a Deputación promova a publicación do traballo premiado.
|