Introducción
Cada día a nosa sociedade marca novos retos en orde á información e conforma novas consideracións facendo un importante uso dos antecedentes. O uso dos medios o noso alcance é absolutamente necesario
A información supón a última fase do proceso técnico desenvolto na documentación que conservamos na nosa provincia, parte pequena pero importancia do patrimonio cultural de todos.
Logo de anos de continuados esforzos de organización, descrición e instalación axeitada, na procura de rachar definitivamente unha tradición de perda documental, podemos ofertar esta guía dos fondos documentais da nosa provincia, na que se pode atopar, como resultado, información veraz e profusa sobre a realidade actual do noso patrimonio documental, dirixida ós propios órganos e entidades productoras, ós cidadáns e investigadores en particular.
Das mais variadas orixes e creadores, públicos e privados; de datas e períodos cronolóxicos diversos; de temáticas e alcances diferenciados.. poderá atoparse unha descrición normalizada, a nivel de fondo documental ou grupos de fondos nalgún caso, de acordo coa norma internacional para a descrición de arquivos, elaborada polos diferentes profesionais responsables en cada centro do patrimonio documental, non sempre nas mellores condicións para o desenvolvemento do seu traballo.
Nós, desde o Servizo de Patrimonio Documental da Deputación de Pontevedra, no ano 1981 propuxemos non só a organización do noso arquivo senón a necesidade de conformar baixo un mesmo criterio a organización dos arquivos municipais da provincia de Pontevedra, realizando os traballos de organización e descrición. Estes esforzos de unificación de criterios foron dando forma e facilitando o camiño cara a unha organización informatizada.
Dispostas as bases de datos dos nosos arquivos e tamén dos arquivos municipais, estendemos a colaboración, a petición dos interesados, a outros arquivos máis directamente relacionados coa nosa Administración local, ou sexa xulgados de paz, entidades locais menores e aínda outros como cámaras agrarias, instituto... Todo elo reflíctese agora, do modo máis sucinto, nesta guía.
Outras administracións levan moitos anos de continuada labor de recollida, tratamento e conservación documental, destacando especialmente o Arquivo Histórico Provincial, garante e conservador da documentación xerada pola administración central e autonómica, entre outras.
Organismos e Institucións diversas, Museo de Pontevedra, fundación Penzol.. a propia institución eclesiástica teñen cabida nesta obra.. que queda aberta a futuras incorporacións de centros e fondos documentais así como a permanente actualización de datos e informacións.
Miguel A. Pereira Figueroa
Director do Servicio Técnico do Patrimonio Documental
|