Portada | Páxina Anterior | Páxina Seguinte

Fondo Xulgado de Distrito de Sanxenxo

	Acto de conciliación nº 6/1956

1. Área de identificación 1.1. Código de referencia ES.AHPPO.36038 1.2. Título Xulgado de Distrito de Sanxenxo 1.3. Datas 1956-1989 1.4. Nivel de descrición Fondo 1.5. Volume e soporte 360 caixas en soporte papel

2. Área de contexto 2.1. Nome do produtor Xulgado Municipal de Sanxenxo Xulgado Comarcal de Sanxenxo Xulgado de Distrito de Sanxenxo 2.2. Historia institucional/ Recesión biográfica O R.d. do 22 de outubro de 1855 estableceu que en todos os concellos houbera xuíces de paz, ou “conciliadores”, en primeira instancia. As leis de 1870 e 1907 crearán xuíces municipais, primeiro, e xulgados municipais, despois, en cada termo municipal. A partir da Lei de bases de 1944, a Orde do 24 de marzo de 1945 convertirá o xulgado de Sanxenxo en Xulgado Comarcal, que comprendería o Xulgado de Paz de Meaño. Polo R.d. 2104/1977 pasarán a denominarse Xulgado de Distrito, ata 1989 en que, por acordo do Consello Xeral do Poder Xudicial, do 3 de novembro, se converte en Xulgado de Paz. 2.3. Historia arquivística O acordo do 3 de novembro de 1989 determinou que os asuntos pendentes e o arquivo do suprimido Xulgado de Distrito de Sanxenxo pasaran ó Xulgado de 1ª Instancia e Instrución nº 2 de Cambados, que custodiou a documentación ata a súa remisión ó A.H.P. de Pontevedra en abril de 2003 xunto coa do Xulgado de 1ª Instancia e Instrución nº 1 e a do Xulgado de Distrito de Cambados. O seu envío ó Arquivo Histórico tivo lugar en condicións lamentábeis, xa que durante o inverno anterior o local sufrira unha grave inundación, polo que os expedientes foron remitidos completamente mollados dentro das caixas. Foi necesario extraelos todos das caixas e ilos estendendo un a un para que secaran lentamente, intentado evitar que se pegaran uns a outros e, sobre todo, que foran atacados por fungos. Este traballo levou varios meses ata conseguir que os expedientes estiveran ben secos, ordenalos de novo e instalalos en caixas adecuadas. 2.4. Forma de ingreso Transferencia

3. Área de contido e estrutura 3.1. Alcance e contido No eido civil a documentación está formada por xuízos verbais, de cognición e de desafiuzamento e, actos de conciliación, e no eido penal, de xuízos de faltas. 3.2. Valoración, selección e eliminación 3.3. Novos ingresos Prevense novas transferencias, en función das dispoñibilidades de espazo do Arquivo Histórico 3.4. Organización En proceso de organización e descrición.

4. Área de condicións de acceso e utilización 4.1. Condicións de acceso Acceso restrinxido de acordo co establecido polo artigo 57.1c), da Lei 16/1985, do 25 de xuño, do patrimonio histórico español 4.2. Condición de reprodución Limítase a reprodución dos documentos que se atopen en mal estado de conservación ou non poidan ser obxecto de consulta segundo a normativa de acceso. 4.3. Lingua / escritura(s) dos documentos Castelán, manuscrito e mecanografado 4.4. Características físicas e requisitos técnicos Os expedientes presentan algúns problemas de conservación debido á oxidación das grampas por humidade, que provocou tamén que en moitos folios as tintas estean borrosas, o que dificulta moito a súa lectura. 4.5. Instrumentos de descrición Pendente de elaboración

5. Área de documentación asociada 5.1. Existencia e localización dos documentos orixinais 5.2. Existencia e localización de copias 5.3. Unidades de descrición relacionadas Pode atoparse documentación directamente relacionada no fondo do Xulgado de 1ª Instancia e Instrución nº 1 de Cambados 5.4. Nota de publicacións

6. Área de notas 6.1. Notas

7. Área de control da descrición 7.1. Nota do arquiveiro Descrición realizada polo equipo técnico do Arquivo Histórico Provincial de Pontevedra baixo a dirección de Mª. Dolores Barahona Riber. 7.2. Regras ou normas ISAD (G), 2ª ed. 7.3. Data da descripción Outubro 2004 – febreiro 2005

Portada | Páxina Anterior | Páxina Seguinte