Portada | Páxina Anterior | Páxina Seguinte

Fondo Xulgado Primeira Instancia e Instrución Nº 1 de Tui

	Rexistro xeral de asuntos criminais de 1988

1. Área de identificación 1.1. Código de referencia ES.AHPPO.36038 1.2. Título Xulgado de Primeira Instancia e Instrución nº 1 de Tui 1.3. Datas 1933-1990 1.4. Nivel de descrición Fondo 1.5. Volume e soporte 1019 caixas en soporte papel

2. Área de contexto 2.1. Nome do produtor Xulgado de 1ª Instancia e Instrución nº1 de Tui 2.2. Historia institucional/ Recesión biográfica Creado o Xulgado de 1ª Instancia polo Regulamento da administración de xustiza de 1835 e consolidado con funcións de 1ª instancia no civil e instrución no penal pola Lei adicional de 1882, o Xulgado de 1ª Instancia e Instrución de Tui abarca nas súas competencias ós concellos de Tui, Salceda de Caselas, Porriño, Tomiño, A Guarda, Santa María de Oia e O Rosal. A eles unirase o de Mos en 1970 ó suprimirse o partido xudicial de Redondela. Pola Lei 38/1988, de demarcación e planta xudicial, créase o Xulgado de 1ª Instancia e Instrucción nº 2 de Tui, que absorberá os asuntos dos suprimidos xulgados de distrito de Tui e A Guarda, pasando o máis antigo a numerarse co nº 1. Esta misma Lei crea o Xulgado de 1ª Instancia e Instrución de Porriño, que englobará os termos municipais de Porriño, Salceda de Caselas e Mos. 2.3. Historia arquivística No ano 2003 a xuíza decana dos xulgados de Tui solicitou a colaboración do Arquivo Histórico Provincial debido á penosa situación na que se atopaban os arquivos xudiciais, especialmente o do Xulgado nº 1 que, tras o traslado por unhas obras de reforma estaba amoreado e desordenado nas dependencias dos calabozos. Durante máis de dous meses dúas arquiveiras do A.H.P. trasladáronse ás dependencias xudiciais para procederen a unha primeira e somera clasificación e ordenación dos expedientes, separando os asuntos civís dos penais e establecendo as secuencias cronolóxicas dos distintos tipos documentais. En abril de 2004 produciuse o ingreso dos documentos no local que, como depósito provisional, fora alugado no ano 2001 pola Consellería de Cultura para paliar a falla de espazo no edificio do Arquivo Histórico. 2.4. Forma de ingreso Transferencia

3. Área de contido e estrutura 3.1. Alcance e contido A meirande parte da documentación está composta polos xuízos civís en primeira instancia e os sumarios sobresidos, na orde penal, así como as dilixencias previas e preparatorias e as apelacións dos xulgados municipais e comarcais. 3.2. Valoración, selección e eliminación 3.3. Novos ingresos Prevense novas transferencias, en función das dispoñibilidades de espazo do Arquivo Histórico. 3.4. Organización En proceso de organización e descrición.

4. Área de condicións de acceso e utilización 4.1. Condicións de acceso Acceso restrinxido de acordo co establecido polo artigo 57.1c), da Lei 16/1985, do 25 de xuño, do patrimonio histórico español. 4.2. Condición de reprodución Limítase a reprodución dos documentos que se atopen en mal estado de conservación ou non poidan ser obxecto de consulta segundo a normativa de acceso. 4.3. Lingua / escritura(s) dos documentos Castelán, manuscrito e mecanografado. 4.4. Características físicas e requisitos técnicos Unha parte da documentación presenta problemas debido á oxidación dos elementos metálicos pola humidade; existen tamén documentos afectados por fungos e a acción de pequenos animais (insectos, roedores, pombas...) 4.5. Instrumentos de descrición Relación superficial das caixas.

5. Área de documentación asociada 5.1. Existencia e localización dos documentos orixinais 5.2. Existencia e localización de copias 5.3. Unidades de descrición relacionadas Pode atoparse documentación relacionada en materia penal no fondo da Audiencia Provincial. 5.4. Nota de publicacións

6. Área de notas 6.1. Notas

7. Área de control da descrición 7.1. Nota do arquiveiro Descrición realizada polo equipo técnico do Arquivo Histórico Provincial de Pontevedra baixo a dirección de Mª. Dolores Barahona Riber. 7.2. Regras ou normas ISAD (G), 2ª ed. 7.3. Data da descripción Outubro 2004 – febreiro 2005

Portada | Páxina Anterior | Páxina Seguinte