O traballo dende o domicilio implántase con éxito e eficacia no Servizo de Patrimonio Documental e Bibliográfico da Deputación
DEPUTACIÓN DE PONTEVEDRA Patrimonio Documental e Bibliográfico 17 MARZO 2020
A totalidade dos traballadores do Servizo de Patrimonio Documental e Bibliográfico da Deputación veñen desenvolvendo a súa actividade diaria nun proceso de teletraballo, eficazmente implementado pola Institución, que garante a continuidade dos procesos técnicos que se poden acometer dende os respectivos domicilios.
A existencia de modernas e efectivas ferramentas, tanto para o patrimonio documental (AtoM) como bibliográfico (Koha) que permiten o acceso en remoto, xunto coa existencia da infraestrutura informática necesaria e a vontade dos propios traballadores, fai posible a día de hoxe continuar a desenvolver con certo ritmo procesos de creación e mellora de descrición documentais e catalogacións bibliográficas, especialmente orientadas a o aumento dos rexistros ofrecidos para a súa consulta “online”.
Polo que atinxe ao Arquivo da Deputación, este supera xa, fisicamente, as 44.000 unidades de instalación e conta con 25 fondos e coleccións distintas, descritas nunha base de datos (AtoM) con 214.956 rexistros, dos que son públicos xa a dia de hoxe 137.020 (131.536 xa se ven en atopo e o resto están de camiño).
Deles son accesibles 81.864 rexistros con imaxes dixitais, a práctica totalidade dos fondos dixitalizados polo de agora, que supoñen varios millóns de imaxes que poden se visibles a través do portal AtoPo, xunto cos do resto das institucións achegantes e as Bibliotecas da Deputación e do Museo,
Á par do traballo nos noso fondos seguimos a colaborar na posta en valor da información dos arquivos municipais, que supoñen en AtoM case que 2.000.000 de rexistros que aportan información doutros tantos expedientes ou agrupacións documentais.
A dia de hoxe xa se pode consultar a totalidade dos fondos da Sección 1-GOBERNO, que inclúe os documentos producidos polos órganos unipersoais, colexiados e cargos públicos, entre outros. Atopo amosa preto de 500.000 rexistros dos diferentes arquivos municipais. E deles 300.000 aproximadamente con obxectos dixitais asociados.
Ademais xa se completaron na práctica totalidade os de Mondariz-Balneario e a Guarda e estase a traballar de foran intensa nos casos de Redondela, Bueu e Sanxenxo, nun proceso que culminará coa posta en público de toda a información, atendendo unicamente as limitacións derivadas da lexislación que regula o acceso a información, recollidas na oportuna Instrución ditada dende a Presidencia desta Deputación
|