A necesidade de custodiar debidamente os documentos producidos por institucións suprimidas, das que se herdou ou non competencias, obrigou a reunir no arquivo como fondo individualizado o conxunto de documentos de carácter público, con gran valor testemuñal, dun total de trece entidades e organismos, entre os que se podería destacar o fondo da Inclusa, como testemuño da realidade social dos anos nos que estivo en activo.
Por outra banda, os fondos de carácter privado, aínda que o volume é pequeno, teñen unha importancia transcendental, como complemento de evolución histórica, social e económica da provincia de Pontevedra. Son un conxunto de coleccións documentais de diversa procedencia.
|