[Deputación Provincial de Pontevedra / Diputación Provincial de Pontevedra]
XOVES, 28 DE MARZO DE 2024
   Está en » depontevedra.es » ..... » Patrimonio Documental » Patrimonio Documental Provincial » Servizos » Outros arquivos privados
Páxina Principal
Patrimonio Documental
Patrimonio Documental Provincial
Outros arquivos de organismos públicos
Instituto de Pontevedra
Mancomunidade do Salnés
Mancomunidade I. do Baixo Miño
Cárcere Partido de Tui
Cámara Agraria Provincial
Irmandades de Labradores
Centro de Desenvolvemento
Local de Mos
Outros arquivos privados
Salinas de Vilaboa

PATRIMONIO DOCUMENTAL 

Outros arquivos

Inclúese neste apartado a información básica doutros fondos documentais, tanto públicos como privados, organizados e descritos polo Servizo Técnico do Patrimonio Documental, en distintas actuacións, no seu labor de colaboración, asesoramento e cooperación na procura da conservación e difusión da documentación desta provincia.

Sen prexuízo dunha ampliación futura, poden atoparase na actualidade os instrumentos de descrición básicos para coñecer o fondo documental do Instituto de Pontevedra, da Cárcere do Partido Xudicial de Tui, da Mancomunidade do Salnés e do Baixo Miño, da Cámara Agraria Provincial e os restos conservados do que foron as Irmandades de labradores e gandeiros.

O arquivo do Instituto de Pontevedra, entidade educativa singular, foi organizado co gallo do seu cento cincuenta aniversario, actualizándose en varias ocasións.

Os sete arquivos das Irmandades de labradores e gandeiros son os únicos testemuños que se puideron encontrar, logo da centralización e destrucción masiva destes fondos a nivel provincial. O que aínda se conservaba por diversas causas organizouse, describiuse e depositouse no arquivo municipal correspondente, agás os casos de Ponte Sampaio, Pontevedra e Vilanova de Arousa, que se encontran na Cámara Agraria Provincial. Os fondos desta institución tamén foron debidamente organizados, descritos e instalados nas dependencias da mesma, na pontevedresa praza do Teucro.

Máis recentemente desenvolvéronse procesos técnicos sobre o fondo documental da Cárcere do Partido Xudicial de Tui, salvado da súa destrucción e conservado no arquivo municipal de Tui, e da Mancomunidade do Salnés, con documentación máis actual.

Tamén se ten colaborado na organización e descrición dos fondos documentais conservados no Pazo da Buzaca (Moraña) ou os relativos ás Salinas de Vilaboa, dixitalizándose logo estes fondos coa finalidade de facilitar a accesibilidade aos mesmos, ao tempo que a súa conservación.

INICIO | VOLVER ARRIBA Última modificación 30/04/2013 09:29
Copyright © 2002-2024, Deputación de Pontevedra | Aviso Legal | Protección de datos | Política de cookies
Pazo Deputación Provincial. Avda. Montero Ríos, s/n. - 36071 Pontevedra ES
Teléfono: +34 986 804100 - Fax: +34 986 804124
http://www.depo.gal/