O proxecto europeo NEA 2 contempla o desenvolvemento sostible e coordinado do conxunto do sector náutico nas rexións da costa atlántica (actividades, portos deportivos, industrias, comercios e servizos), reforzando a cooperación en tres aspectos temáticos: o desenvolvemento económico, a protección medioambiental e a cohesión social.
Para cada un destes temas o proxecto prevé realizar accións comúns transnacionais (xuntando varios socios) e accións locais que levaría a cabo cada socio no seu territorio.
Despois de que 23 socios europeos o executasen e aplicasen durante tres anos (xaneiro de 2009-decembro de 2011), o Programa de Cooperación Transnacional Espazo Atlántico (INTERREG IVB) aprobou o NEA 2 e, como consecuencia, benefíciase dunha subvención FEDER (Fondo Europeo do Desenvolvemento Rexional).
NEA 2 é a continuación de Nautismo Espazo Atlántico (novembro de 2004-outubro de 2007), proxecto INTERREG III B, que reuniu 11 socios ó redor dun obxectivo común: o desenvolvemento coordinado do turismo náutico.
DESENVOLVEMENTO ECONÓMICO
Obxectivos:
- Desenvolver a investigación e a innovación no sector náutico.
- Establecer observatorios para coñecer mellor a realidade, a evolución e os impactos deste sector.
- Desenvolver produtos náuticos nas augas interiores.
- Dinamizar a economía das embarcacións tradicionais.
- Desenvolver os produtos náuticos baseados no descubrimento do medio acuático, litoral e marítimo (paseos en embarcacións, excursións náuticas, navegación turística…).
Protección DO MEDIO AMBIENTE
Obxectivos:
- Mellorar as calidades medioambientais das bases náuticas, dos portos deportivos e das industrias náuticas.
- Ampliar as competencias das persoas que prestan servizos de actividades náuticas e usuarios do sector en canto á protección e valorización do medio ambiente marítimo.
- Desenvolver e elaborar guías de boas prácticas medioambientais no sector náutico.
- Comunicar e favorecer a organización de eventos para mellorar as calidades medioambientais do sector náutico.
COHESIÓN SOCIAL
Obxectivos:
- Establecer programas de formación de pre-profesionalización destinados ás persoas con dificultades de integración no mercado laboral.
- Desenvolver os equipamentos e a formación dos monitores e do persoal de acompañamento para favorecer a práctica da náutica das persoas con discapacidade.
- Favorecer os intercambios de grupos escolares ou mozos ó redor dos deportes náuticos e das actividades de descubrimento dos medios marítimos e acuáticos.
- Organizar eventos para popularizar os deportes náuticos e incentivar a súa práctica entre as persoas en risco de exclusión social ou con algunha discapacidade.
ACCIÓNS TRANSVERSAIS
Os socios do NEA 2 realizarán importantes accións transversais, coma a promoción de:
- Os Xogos Náuticos Atlánticos: evento deportivo de alto nivel, escaparate do Espazo Atlántico e do proxecto NEA 2, que agrupa cada ano, nun diferente país, as rexións do Espazo Atlántico para promover o sector náutico, popularizar os deportes acuáticos e favorecer os intercambios de experiencias.
- A conferencia 2011: lugar de intercambios que reunirá os socios do NEA 2 e os representantes europeos, nacionais e rexionais dos deportes de auga para promover o desenvolvemento sostible do sector náutico valorando os resultados do proxecto e propoñendo liñas de acción cara ó futuro.
Bases de subvencións en especie para a instalación en unha estructura náutica da provincia de Pontevedra de sistemas de melloras medioambientais e dotacións de melloras de accesibilidade para persoas con discapacidade no marco do proxecto Nea 2 cofinanciado polo programa transnacional espazo atlántico do F.E.D.E.R. |