Ecoredesaneasol é un proxecto destinado a instalar depuradoras de augas que funcionan con enerxía solar nas concas dos ríos Ulla, Lérez, Umia e Verdugo. A iniciativa forma parte do Programa de Cooperación Transfronteiriza entre España e Portugal (POCTEP), cofinanciado polo mesmo POCTEP e os socios. O orzamento total ascende a 3.750.000 € e a data estimada de remate é decembro do 2010. A Deputación achegou 1.350.000 € para realizar un plan de posta en valor e recuperación ambiental en diversas concas hidrográficas dos concellos polos que discorren os ríos Ulla, Umia, Lérez e Verdugo.
Ademais, as depuradoras están dotadas dun vaso de auga e actúan como un punto de abastecemento de cisternas no caso de incendios e emerxencias no bosque.
|