Por outra banda, e dentro das actuacións que desenvolve o servizo de Cultura e Deporte, a Deputación de Pontevedra sempre amosou unha sensibilidade especial cara á práctica deportiva, como un hábito que forma persoas saudables e que ensina a gozar do tempo libre como lecer en equipo.
Son estes valores os que levan á Deputación de Pontevedra a apoiar a práctica deportiva, a través da posta en marcha de Escolas deportivas, a través do seu Plan de Infraestructuras Deportivas, a través do Programa de Axudas para Material Deportivo Inventariable e a través do Plan Cuatrienal de Infraestructuras que leva adiante a institución provincial, así como a construcción de pavillóns, campos multifuncionais de herba artificial e pistas deportivas en boa parte da provincia. Asemade, o organismo provincial estableceu un compromiso férreo co fomento do deporte base, como xermolo de toda a activiade deportiva posterior. |