Loita biolóxica

A unidade de control integrado (loita biolóxica) dedícase, entre outros estudos e programas, á optimización da protección dos cultivos agrícolas e das masas forestais fronte aos patóxenos e pragas que lles afectan, ben a través da cría de diferentes organismos de control biolóxico, ben a través do seguimento dos ciclos biolóxicos dos parasitos das plantas e a súa relación coa climatoloxía para determinar os momentos e técnicas idóneas de tratamento.

A consecuencia dos traballos desta unidade publícase un boletín fitosanitario semanal na páxina web da Estación, onde se recollen as observacións feitas nas parcelas piloto de diversos cultivos e zonas e se aportan as recomendacións culturais necesarias en cada momento.